Thaum neeg tab torn nyiav ntawd vaub kib tuaj txog ntua, ces ntxwg nyug sawv tsees los luag nqhuas, ntxwg nyug thiaj hais tias: tas nrho cov tsiaj ntiaj teb mas kom neeg noj tau txhua tus, hos cov tsiaj mas noj tsis tau neeg, ces vaub kib thiaj teb tias: ua li kuv ne! Ntxwg nyug teb tias: vaub kib mas yog neeg noj no mam li nqa thiab tua, hos yog tsis noj no txhob muab tua cia nws mus nws. Ces vaub kib thiaj li nroo ib suab tias "Aub yaug!" ua cas tseem yuav hais li ntawd thiab laud. (Yog li niam no neeg pom vaub kib, vaub kib thiaj xyu ib suab ua caj dab ntev ntev) ces thaum no suav daws rov qab los tsev, ces tsov txawm pheej los thov neeg tias: Neeg! Thov koj pub nqaij rau kuv noj thiab, ces neeg xav xav neeg teb tias: noj los tau tab sis ib hlis pub noj ib tug tsiaj xwb. Ces niam no ib hlis twg tsov thiaj torn ib tug tsiaj xwb, thaum dais pom tias tsov thov tau noj lawm, Dais txawm los thov noj nqaij thiab no tab sis neeg tsis kam, ces Dais thov tsis tau, Dais thiaj hais tias: Yog koj tsis kam no, thov noj cov pob txha xwb ces neeg thiaj teb tias ua li los tau.
Ces niam no Dais thiaj cua pob txha xwb..ces tas nrho cov tsiaj thiab neeg nqis rov los nyob hauv lub ntiaj teb, suav daws los nyob tau ib ntus cov tsiaj txawm sab laj tias: neeg twb tsis muaj zog li peb txawm tias ntxwg nyug hais li ntawd los peb tsis nyoo, peb sib sau mus ua ib pawg es hu neeg tuaj, suav daws los sib xeem yog peb txuj ci siab dua neeg no kom neeg txhob noj peb lawm hos yog neeg txuj ci loj dua peb no mam yuav li ntxwg nyug hais,. Ces cov tsiaj txawm tuaj hu neeg mus nrog cov tsiaj sib xeem txuj ci torn hav zoov thaum mus txog torn hav zoov ces cov tsiaj los ua txuj ci rau neeg saib, Me Ntxhw, Nyuj Qus, Tsov, Dais, Liab, Cuam, Npua Teb, Kauv, Mos Lwj suav daws quaj, dhia tas. Lawv ho kom neeg ua pub lawv saib no, ces neeg hais tias: Hnub no tsaus ntuj lawm kuv teem rau nej xya hnub nej rov tuaj kom tas huv si kuv mam ua pub nej saib. Ces neeg thiaj los hlais nqeeb ua tau ib lub tsev nqeeb rau nram hav nqeeb, puv xya hnub nqeeb qhuav nkig nkuav xwb, ces cov tsiaj rov tuaj tag nrho, neeg hais tias: Nej mus nkaum hauv lub tsev, es kuv yuav ua txuj ci pub nej saib ces cov tsiaj nkag mus nkaum tas nrho hauv tsev, thaum ntawd neeg cia li mus txhuam ntais kiag zes taws rau plaub ceg kaum tsev ces cua nplawm ntws xa ua hluav taws yaim pes Hav txhia chaw tuaj ces cov tsiaj saib zoj tsis tsum laud, nyias phoom nyias khiav tawm mus,. Npua Teb khiav ua ntej hluav taws kub plaub txheeb tas, tsov khiav lawv qab me ntsis hluav taws kub ua nwg txaij zoj, txaij zees. Hos Dais khiav qeeb qeeb hluav taws kub ua nwg tib tug niag dub nciab xwb. Ces txij li ntawd los cov tsiaj thiaj ntshai ntshai neeg lawm thiab thiaj tsis paub lus neeg ces neeg thiaj kav cov tsiaj thiab noj lawv nqaij tas tus.
Thaum no ces Nkauj Mim thiab Nraug Nus nkawd noob neej nyob huaj vam nroo ntws hauv lub ntiaj teb no Ces muaj ib hnub Ntxwg Nyug txawm hu Nkauj Mim mus cuag Ntxwg Nyug Nkauj Mim mus txog Ntxwg Nyug txawm nug Nkauj Mim tias: Nkauj Mim! Niam no Nraug Nus los laus lawm thiab neb yog ob nus muag, neb sib yuav mas txaj muag yog koj kam no kuv muab Rab Riam no rau koj, koj muab Nraug Nus tua pov tseg, tso kuv mam muab ib tug tub hluas rau koj ua txiv. Nkauj Mim xav xav, nws teb tias: Yog koj hais tiag no tua los tua. Ces Ntxwg Nyug hais tias: koj nyob twj ywm qhov no, kuv mus hu Nraug Nus tuaj tso koj mam li tua nws. Thaum no Ntxwg Nyug ho mus hu Nraug Nus tuaj txog, Ntxwg Nyug ho hais rau Nraug Nus tias: Nraug Nus! Nkauj Mim neb yog nus muag sib yuav mas txaj muag dhau thiab Nkauj Mim los laus lawm yog koj tua taus no koj muab Nkauj Mim tua pov tseg tso kuv mam muab ib tug ntxhais tseem hluas hluas rau koj ua poj niam ces Nraug Nus xav xav nws teb tias: Ab! Ntshai kuv tsis kam vim wb twb ua neej los laus li no lawm, kuv tseem hlub nws kawg, ntshai kuv tua tsis taus. Ntxwg nyug hnov li no ces ntxwg nyug thiaj hais tias: poj niam mas siab tsis zoo, txiv neej mas siab thiaj zoo xwb, txij no mus mas neb noob neej mas txiv neej muaj cai yuav ob tug poj niam, hos poj niam mas tsis muaj cai yuav ob tug txiv. Yog tus poj niam twg yuav ob tug txiv los sis deev hluas mas nws yuav tau txais kev txom nyem mus tas li. Ntxwg nyug hais no rau nkawv tas ces nkawv rov qab los tsev. Ces noob neej poj niam thiaj tsis muaj cai yuav txiv yau. Thaum no ces noob neej nyob ntiaj teb muaj mob, muaj nkeeg, muaj ploj, muaj tuag. Noob neej quaj ntsuag rau txhia txoj ke ces cua tshuab mus txog yawm saub, yawm saub thiaj hais tias: Theeb Tswv, koj sim nqis mus xyuas noob neej saib yog li cas noob neej thiaj muaj tuag? Ces Theeb Tswv thiaj qhib rooj ntug saib no ua cas mob toj, mob taug twb puv ntiaj teb lawm ces Theeb Tswv thiaj hais tias: Ntxwg Nyug ua cas koj thiaj tso noob mob, noob tuag mus rau ntiaj teb? Ntxwg Nyug teb tias: noob neej mas nyiam ploj, nyiam tuag noob neej mus muab ib niag tsov coj los pam mas niam quaj, quaj, nyiav, nyiav tau cuaj hnub, cuaj hmo tshuab qeej ntaus nruas taug taug kuv ntsej kawg kiag kuv thiaj xav tias yog noob neej nyiam npaum li ntawd no ces cia kuvmam muab noob mob, noob tuag pov mus rau lub ntiaj teb kom noob neej khaws tau mob, tau tuag no es kuv thiaj muab pov mus xwb.
Thaum no Theeb Tswv thiaj hais tias: Txoov Siv Yis! Tarn sim no yuav mus muab cov noob mob, noob tuag rov los, los kuj nyuab ces koj nqa hauv kuab muaj tsuas nqis mus kho noob neej kom noob neej txhob tau kev ploj tuag xwb. Thaum no ces yawg Txoov Siv Yis thiaj nqis los kho mob nyob ntiaj teb. Ces noob neej tus twg tuag, Txoov Siv Yis muab kuab muaj tsuas tsuag rau ces sawv rov los xwb. Txoov Siv Yis tsa neeg qab ntuj rau hauv ntuj ces noob neej tsis muaj tuag li. Ces yawg Ntxwg Nyug chim, nws txawm hais tias: kuv yog tij, Siv Yis yog kwv ua cas nws yuav mus muab hauv kuab muaj tsuas lom kuv cov noob mob toj, mob taug nws tsis hais ib los rau kuv paub, yog ua zoo hais kuv mas kuv tshem cov noob mob toj, mob taug rov los kaw cia xwb. Yog li kuv sim ua saib nws puas paub, ces Ntxwg Nyug txawm mus muab Txoov Siv Yis tus tub tus ntsuj yees uaib tug heev nyuj, ces Ntxwg Nyug txawm hais tias: Txoov Siv Yis! Koj mus ua ib thaj neeb kho kuv, Siv Yis mus txog torn Ntxwg Nyug tsev, Ntxwg Nyug hais tias: kuv muab tus heev nyuj rau koj kho kuv, Siv Yis teb tias: kuv tsis kho nyuj, Ntxwg Nyug teb tias: yog tsis kho no muab niag nyuj tua peb noj xwb, Siv Yis teb tias: ua li los tau. Ntxwg Nyug txawm muab tus nyuj tua rau suav daws noj tas ces Siv Yis ua neeb nqis los noj mov tas Siv Yis mus txog torn kev ua cas ntsib Siv Yis niag lau qaib los txog tod, Siv Yis nug tias: koj los ua dab tsi? Lau qaib teb tias: koj tub tuag lawm es lawv muab kuv tua coj nws los mus ntag, ces Siv Yis ho nqis ib theem ntsib niag heev nyuj, Siv Yis nug tias: koj los mus ua dab tsi? Heev nyuj teb tias: koj tub tuag lawm es lawv muab kuv tua ua nws luag los xwb. Siv Yis hais tias: tiag, tiag lod! Nyuj teb tias: nws lawv qab ttxog nrad. Siv Yis nqis ib theem ntxiv ntsib kiag nws tus tub los zuj zis, Siv Yis nug tias: koj los mus ua dab tsi? Rov qab lawm ntiaj teb, tus tub teb tias: Txiv! Kuv rov tsis tau, kuv nqaij koj twb noj tag, kua koj twb haus tas kuv tsis rov. Siv Yis muab cwj neeb thaiv nkaus, tus tub txia ntshis ua ib tw huab yaj ntshis dua nruab ntug lawm. Ces Siv Yis tu siab heev rau Ntxwg Nyug, Siv Yis thiaj muabcwj neeb nkaug rov ntiaj teb, muab cwj yaig nkaug rov ntiaj nrag, muab sab neeb khuam rau Yis Txwv ntuj, muab hauv kuab muaj - tsuas dai rau ib nta _teb Ces Siv Yis thiaj foom tias: ntiaj teb neeg leej twg khaws tau cwj neeb mas thiaj ua tseeb, khaws tau cwj yaig mas ua dag, hos hauv kuab muaj tsuas ua lwg poob mus lo tsob ntoo twg mas tsob ntoo twg zoo tshuaj. Zaum no kuv yuav rov mus nyob saum yawm saub kom txog cuaj txhiab yim pua xyoo (9800) tso kuv mam nqis rov los dua. Hos Ntxwg Nyug mas nws siab tsis zoo, nws yuav raug noob neej cem, ntxub nws tas mus li. Thaum twg kuv mus nyob puv caij nyoog kuv nqis rov los mas noob neej yuav tsis txawj tuag li. Ces Txoov Siv Yis nee mus nrog yawm saub nyob cuaj tshooj ntug saum ub lawm... !! Yav torn ntej no Txoov Siv Yis tseem yuav nqis los !!
Tim li cas, noob neej tuag thiaj li muaj hais txiv xaiv, foom kom thaum noob neej nyob tau zoo li no, muaj ib tug yawg yug tau cuaj leeg tub:
- Tuam Tsheej Xeeb,
- Lwm Tsuam Lij,
- Xab Khais Tob,
- Xwm Puam Phij,
- Vws Vees Tsi,
- Lwj Tuam Twm,
- Txhij Tshaj Cum,
- Puaj Ntshe Voo,
- Caws Xab Theeb.
Cuaj leeg tub hais no, lawv tsis mloog lus, lawv sib ceg tas li xwb ces lawv ua neej txom nyem kawg. Muaj ib hnub tus kwv yau thiaj hais rau tij laug tias: raws li kuv xav mas tos peb txom nyem los yog vim peb tsis mloog peb txiv lus es peb thiaj li txom nyem. Peb ua zoo mus thov kom peb txiv qhuab ntuas peb saib peb puas yuav tau zoo. Cov tij laug teb tias: ua li los zoo, lawv thiaj los thov lus qhuab, lus qhia ntawm lawv txiv. Thaum ntawd, leej txiv thiaj hais tias: lus dab tsi kuv twb muab hais rau tus phauj tas lawm, yog nej xav mloog, nej mus kom phauj qhia nej xwb ces cov tub mus txog pem phauj tsev, lawv npaj tau ib tsum mov rau phauj noj kom phauj pab qhuab ntuas lawv. Phauj hais tias: cov me nyuam! Nej txiv tseem nyob, kom nej txiv ntuas nej xwb . Cov tub thiaj hais tias: phauj! Peb txiv yeej xaiv tau koj lawm, kom koj ua phauj qhuab ntuas peb xwb. ( Yog li thiaj hu ua Txiv Xaiv no.) Ces phauj qhia tas ib puas tsav yam lus zoo rau lawv. Ces txij hnub ntawd los lawv khaws tus phauj cov lus zoo ua neej. Lawv muaj nyiaj, muaj kub, muaj noj, muaj haus nroo ntws. Thaum zoo li no lawm ces cov tub txawm sab laj tias: peb kev noj haus mas txaus lawm tab sis xav tau nom, tau tswv. Peb mus thov kom txiv pab saib yuav ua li cas? Lawv txawm los thov kom lawv txiv pab qhuab ntuas thiab foom kom tau ua nom, ua tswv. Thaum lawv mus thov li hais no ces lawv txiv teb tias: cov me tub! Hais txog qhov nej los thov no mas kuj yog ib qho zoo kawg kiag tab sis nws kuj nyuab kawg kiag thiab. Tarn sim no mas kuv ua txiv hais li no rau nej xwb, lus dab tsi kuv yeej hais rau phauj tas lawm, tshuav tsis ntev no kuv twb yuav tuag. Yog nej hais li no ces hnub twg kuv tuag, nej nco ntsoov mus thov phauj tuaj saib ib lub looj mem rau kuv xwb ces nej yeej tau faj tim huabtais ua xwb. Lawv tsis paub yuav hais li cas ntxiv lawm. Nyob tau xya hnub xwb ces lawv txiv txawm tuag kiag. Lawv xav, xav, lawv thiaj mus hu tus phauj tuaj txog thiaj thov phauj pab saib ib lub looj mem rau lawv txiv no ces tus phauj teb tias: cov me nyuam! Kuv tsis paub saib looj mem, yog yuav saib mas nyob torn kuv zos muaj ib niag yawg suav laus paub saib kawg, peb mam li mus thov kom nws tuaj saib. Ces lawv thiaj mus thov yawg suav laus tuaj txog tsev, yawg suav laus hais tias: kuv mas tus nqi saib yog kaum ob (12) lagnyiaj. Yog kuv saib rau leej twg mas tej tub ki yeej tau nom, tau tswv xwb. Lawv xav, xav, lawv thiaj teb tias: peb zoo siab them li koj hais.
